Camisetas e polares

Ola familias da escola,

Chega o Nadal e voltamos ofrecervos a roupa de tegriña como o ano pasado .

Este ano non imos ofrecer a sudadeira aos peques xa que miramos que  costáballe entrar a testa  para poder usalas . Imos ofertar un forro polar tanto para adult@s, como para os peques , e así lle sexa máis sinxelo usalo.Só @s adult@s terán a súa disposición as sudadeiras .

As camisetas e a sudadeira levan a tegriña a 3 cores , en cambio ,o forro polar leva a tegriña a unha soa cor debido a que ao texido dos polares non soporta o proceso que conleva a serigrafía a 3 cores.

As gañancias irán destinadas a reinvertir nos peques ou en milloras na escola

Os precios son os seguintes :

Camisetas manga curta ou longa  nen@/ adult@ ….. 8 euros

Forro polar nen@ / adult@ …..12 euros

Sudadeiras (só para adulto) 15 euros euros.

A partir da segunda peza de roupa desconto de 1 euro en capa peza : 2 prendas 2 euros, 3 pezas 3 euros e así sucesivamente . Podedes combinar tallas nen@ e adult@ como queirades.

Para encargalas cubride a ficha de abaixo e entregalas  no buzón da ANPA , o pago por adiantado e coma sempre na conta da ANPA .

Data máxima para os encargos e pagos LUNS 11 de DECEMBRO , inclusive .Logo desta data non se poderán encargar porque os pedidos son por moitas unidades e non sirven unha peza soa.

SERÁ UN REGALO ESTUPENDO PARA ESTE NADAL ¡¡¡¡¡¡

 

Sin título

 

Anuncios

BÚSQUEDA DO TESOURO

Hoxe a primeira horiña da mañá, reunímonos algunhas familias do cole na Carballeira da Guía para realizar unha Andaina con búsqueda do tesouro incluida.

Os nenos e nenas entusiasmados buscando as pistas que encontrabamos polo camiño, mentres tamén aprendíamos curiosidades do entorno, da man de Manu e Susi.

Reunidas tódalas pistas, os peques montaron o puzzle que era o mapa do tesouro…

Unha vez localizado o cofre coas moedas (de chocolate), degustamos biscoito e leite con cacao en compañía duns cabezudos piratas estupendos.

Foi unha mañá estupenda, onde as familias conversamos, camiñamos e disfrutamos xuntas!!! Grazas a todas por vir!!

El pase de diapositivas requiere JavaScript.

 

 

 

 

 

BIBLIOTECA PARA TEIS

Estimadas familias da escola,

Poñémonos en contacto convosco , esta vez , para informarvos dunha reivindicación que temos en marcha dende fai tempo: a necesidade dunha biblioteca para o noso barrio.

As Anpas somos unha parte da comunidade escolar que entre outras finalidades , temos o obxectivo  de velar e facer cumprir  tódalas carencias que detectemos en materia socio educativa.

HISTORIA:

No ano 2014 unha serie de ANPAS retomamos as Olimpíadas de Teis. O fin non era tan só a xornada en si, se non que naceu como un foro onde reivindicar tódalas aquelas infraestruturas do barrio que nós crìamos que eran escasas ou inexistentes.

Nese ano  propuxémoslle  ao Concello que o noso barrio facíalle falta unha biblioteca, non só como un centro de préstamo de libros, se non tamèn como centro de dinamización cultural, unha idea semellante  a do barrio do Calvario, unha Neira Vilas , e criamos que o antigo ambulatorio sería un bò lugar .

No seguinte ano , Maio de 2015 , no acto de clausura das olimpíadas  , o alcalde fixo por fin o anuncio: o noso barrio ía ter unha biblioteca e sería no antigo ambulatorio. Isto causounos sorpresa e unha enorme ledicia , íamos ter por fin a desexada Biblioteca  (destas declaracións existen probas gráficas).

Pasou o tempo , e como non houbo máis noticias sobre a prometida e máis que precisa biblioteca decidimos trasladar a tódalas ANPAS do barrio esta reivindicación para que se sumaran a esta petición.

Acordamos entón tódalas ANPAS  (Anpas dos colexios Santa Tegra , Paraixal , San Salvador de Teis , Frian, Possumus , Xesuítas , Calasancias , IES de Teis , IES La Guía) elaborar un escrito asinado por tódalas ANPAS solicitando unha reunión co Alcalde para saber en que estado se atopaba o tema da biblioteca para o noso barrio. Dito escrito meteuse por rexistro a finais do pasado curso 2016/17. A dia de hoxe non temos resposta a esta petición.

Chegado  este momento tódalas ANPAS decidimos por unanimidade sumar a esta demanda aos colectivos sociais do barrio. Unha vez trasladada a proposta, estes aceptaron inmediatamente.

Por què unha biblioteca no noso barrio? pois sóbrannos os motivos:

  • No noso barrio hai entre 6000 e 7000 alumnos entre infantil , primaria e secundaria .
  • Que o noso barrio ten máis de 30.000 habitantes , que é unha décima parte da poboación de Vigo .
  • Que o noso barrio somos o barrio con máis centros educativos de toda a cidade , en total 14 .
  • No noso barrio imos ter a Universidade de Vigo , co Campus do Mar.

Por todos estes datos, e por moitos màis, creemos que unha biblioteca no noso barrio é unha demanda xusta e máis que necesaria  en Teis.

Vindeiras medidas :

O Xoves 30 de novembro ás 11 horas no antigo ambulatorio temos convocada unha rolda de prensa para novamente reivindicala Biblioteca (alí estarán representadas tódalas ANPAS  e colectivos do barrio) e comunicar a posta en marcha dunha campaña de visualización da nosa demanda como barrio, cun “logo” que a identifique, e o inicio dunha recollida de sinaturas durante o Nadal. Tanto nunha como en outra imos precisar da vosa axuda.

Estamos convencidos de poder conseguilo ,se actuamos coa forza que nos dá a unidade dun barrio.

Sen máis:                     A ANPA da E.E.I. MONTE DA GUIA